د شیخ زاید پوهنتون له کادري روغتون څخه د ای سي ار سي هیئت لیدنه وکړه

په دې لیدنه کې چې د ا،ا،ا د دولتي او خصوصي پوهنتونونو فوق العاده استازي انجینر مولوي معاویه، د کادري روغتون سرطبیب تاج ملوک صمیمي او د کادري روغتون ډاکټرانو یې ملتیا کوله، د ای سي ار سي مؤسسي هیئت، بهرني استازي چارلیټ ، ډاکټر عبدالحلیم حکیمي او عبدلوالي ځاځي  د خوست ولایت د شیخ زاید پوهنتون له کادري روغتون څخه لیدنه وکړه.
یاد هیئت د کادري روغتون د طبي سامان الاتو په لیدو خوښې څرګنده کړه او د هرډول مرستې ژمنه یې وکړه او د کادري روغتون سره د دامدارو مرستو کولو ژمنه یې وکړه.
د شیخ زاید  کادري روغتون د ناروغانو لپاره (۵۰) بسترونه لري ، چې د یادې مؤسسي لخوا د کارکوونکو معاش، د روغتون ۲۴ ساعته لګښت او د دوا په برخه کې مرسته کوي.
له یاد هیئت څخه انجینر مولوي معاویه د کادري روغتون لپاره اړینې غوښتنې وکړې، چې د راغلي هیئت لخوا یې د تر سره کولو ژمنه وشوه.