د لوړو زده کړو وزارت مالي او اداري معینیت شورا ناسته د دغه وزارت مالي او اداري معین په مشرۍ ترسره شوه.
په پیل کې د لوړو زده کړو وزارت مالي او اداري معین مولوي حافظ محمد حامد حسیب د اداري کارونو په ښه والي او چټکتیا کې د ناستو پر ارزښت خبرې وکړې او هېوادوالو ته پر غوره خدمتونو وړاندې کولو یې ټینګار وکړ.
نوموړي وویل چې د الله تعالی په فضل سره په ټول هېواد کې سوله ده او هېوادوال د اسلامي نظام تر حاکمیت لاندې ژوند کوي. هغه زیاته کړه چې نظام مکلف دی چې خلکو ته ښه او په خپل وخت خدمتونه وړاندې کړي، ځکه په صادقانه ډول خلکو ته د خدمتونو وړاندې کول د اسلام په مبین دین کې عبادت ګڼل کېږي.
وروسته له اجنډا سره سم د تېرې شورا راپورونه واورېدل شول او د ۱۴۰۳هـ.ش مالي کال بودیجې، د کابل پوهنتون ژورنالېزم او عامه اړیکو پوهنځی شپنۍ برنامې د عوایدو او لګښتونو، د لیلیو د خواړو مینو، د وزارت زاړو وسایطو د لیلام او پر نورو موضوعاتو بحث او لازمې پرېکړې وشوې.
