د افغانستان د ځان بسیاینې د زرغون انقلاب لومړی نړیوال کنفرانس پای ته ورسېد

naser_admin
جمعه ۱۴۰۳/۹/۹ - ۱۴:۴
Fhikmnvcfguk

 

د یاد کنفرانس د پای په مراسمو کې د لوړو زده کړو وزارت علمي معین دوکتور لطف الله خیرخواه په خپلو خبرو کې هیله څرګنده کړه چې د دغه کنفرانس څېړنې او طرحې به اړوندې ادارې عملي کړي. 

 

دغه راز نوموړي وویل چې اوسمهال پوهنتونونه د هېواد په سترو او مهمو موضوعاتو کې دخیل شوي او له کوم محدویت پرته څېړنې کوي. 

 

د لوړو زده کړو وزارت علمي معین په ملي بودجه کې د څېړنو لپاره د بودجې ځانګړي کولو غوښتنه وکړه او په نیږدې راتلونکي کې یې په امارتي او خصوصي تحصیلي نهادونو کې د دائرېدونکو کنفرانسونو په اړه معلومات ورکړل. 

 

وروسته د کنفرانس دائروونکو د کنفرانس پایلې او وړاندیزونه شریک کړل او زیاته یې کړه چې د کنفرانس پایلې به د عملي کولو په موخه له اړوندو ادارو سره شریکې شي. 

 

د کابل پوهنتون یاد کنفرانس، چې د کندهار د افغانستان د کرنیزو علومو او ټکنالوژۍ ملي پوهنتون کې جوړ شوی و، د ۸۵ علمي ـ څېړنیزو مقالو، پایلو او د وړاندیزونو په وړاندې کولو سره پای ته ورسېد. 

 

د یادونې وړ ده چې د افغانستان د ځان بسیاینې د زرغون انقلاب لومړي نړیوال کنفرانس مقالې د کابل پوهنتون په ملي ژورنال کې نشر شوې او مینه وال یې هلته لوستلی شي. 

 

هېره دې نه وي چې په دغه کنفرانس کې د کرنې، اوبو لګونې او مالدارۍ وزارت، د صنعت او سوداګرۍ وزارات، د چاپېریال ساتنې ملي ادارې، د خواړو او درملو ملي ادارې او یو شمېر نورو سکتوري ادارو استازو هم حضور درلود.

نېټه: چهارشنبه

١٤٤٦هـ.ق، د جمادي الاول ۲۵مه

۱۴۰۳هـ.ش، د لیندۍ ۷مه

۲۰۲۴م، نومبر ۲۷مه

تازه خبرونه

جمعه ۱۴۰۴/۶/۷ - ۱۶:۵۵
Background image

د لوړو زده کړو وزیر د سُهېل لوېدیځ زون امارتي او خصوصي پوهنتونونو محصلانو دیني ـ علمي سمینار اختتامیه مراسمو کې ګډون او وینا وکړه

 

په کندهار پوهنتون کې په همدې مناسبت جوړو شویو مراسمو کې د لوړو زده کړو وزارت د دعوت او ارشاد رئیس، د کندهار ولایت جهادي مدرسې رئیس، د ولایتي ادارې یو شمېر رئیسانو، علماء کرامو، د. . .

چهارشنبه ۱۴۰۴/۶/۵ - ۸:۵۵
Background image

د لوړو زده کړو وزیر محترم شیخ الحدیث مولوي نداء محمد ندیم د ختیځ زون امارتي او خصوصي پوهنتونونو محصلانو ته په جوړ شوي دیني ـ اصلاحي سمینار کې هر اړخيزه اصلاحي وینا وکړه.

محترم شيخ صاحب محصلانو ته د‌ نورو توصيو تر څنګ سپارښتنه وکړه، چې دیني او عصري زده کړې دې د الله تعالی د رضا، اسلام او ټولنې د خدمت لپاره وکړي.
 
هغه په خپلو خبرو کې ټینګار وکړ، چې د ا.ا. . .

دوشنبه ۱۴۰۴/۶/۳ - ۵:۳۳
Background image

د لوړو زده کړو وزیر په عبدالله بن مبارک رحمه الله (پکتیا) دیني جامعه کې جوړې شوې غونډې ته د وینا تر څنګ، په دغه جامعه کې د ۱۹ میلیونه او ۳۲۵ زره افغانیو په ارزښت دوې مهمې پروژې ګټې اخیستنې ته وسپارلې

 

د لوړو زده کړو وزیر محترم شیخ الحدیث مولوي نداء محمد ندیم پکتیا ولایت ته د خپل رسمي سفر پر مهال په عبدالله بن مبارک رحمه الله (پکتیا) دیني جامعه کې جوړې شوې غونډې ته د وینا پر مهال. . .

BACK TO NEWS