د لوړو زده کړو سرپرست وزیر په خپل کاري دفتر کې د جاپان له سفیر سره وکتل.
په یاده لیدنه کې د لوړو زده کړو وزیر شیخ الحدیث مولوي نداء محمد ندیم صاحب د جاپان سفیر ته د ښه راغلاست تر څنګ ویې ویل چې افغانستان او جاپان ښې تاریخي اړیکې لري.
دغه راز د لوړو زده کړو وزیر په تحصیلي او نورو برخو کې د جاپان له مرستو مننه وکړه او ترې ویې غوښتل چې د افغانستان د تحصیلي نظام په پیاوړتیا کې همکاري وکړي. همدا راز د یاد هېواد له سفیر څخه یې وغوښتل چې له نړیوالو سره د افغانستان حقیقي تصویر شریک کړي.
همدارنګه په یاده لیدنه کې د جاپان سفیر تاکویوشي کورمایا وویل چې د ناڅاپي پېښو او بحراني حالتونو پر مهال له افغانستان سره مرستو ته تیار دي او د بشري مرستو تر څنګ یې د بنیادي پروژو پلي کولو کې د همکارۍ ژمنه وکړه.
