د لوړو زده کړو سرپرست وزیر په نوم د جعلي خبرونو د خپرېدو په اړه د لوړو زده کړو وزارت اعلامیه!
د ګرانو هېوادوالو او درنو رسنیو د پام وړ!
لکه څرنګه چې تاسو په جریان کې یاست تېره ورځ د خوست او کونړ ولایتونو د پېښو په اړه ځینې څرګندونې د لوړو زده کړو سرپرست وزیر پورې تړل شوي، چې جعلي او له واقعیته لیرې دي.
نو ګرانو هېوادوالو ته خبر ورکول کېږي، چې د لوړو زده کړو سرپرست وزیر مولوي عبدالباقي حقـ اني په نوم ټولې جوړې شوې پاڼې جعلي دي او د یو شمېر مغرضو او ورانکارو خلکو او ډلو له خوا د علمي او اکاډمیکو شخصیتونو او بنسټونو د بدنامولو او عامه ذهنونو مغشوشولو په موخه جوړې شوې دي.
د یادونې وړ ده چې دغه فېسبوک پاڼه د لوړو زده کړو وزارت یوازینۍ رسمي پاڼه ده، چې د لوړو زده کړو وزارت ټولې اعلامیې، اطلاعیې او خبرونه له همدې پاڼې خپريږي.
نو له ټولو هېوادوالو او د رسنیو له مسؤلینو هیله کېږي، چې له دا ډول جعلي پاڼو سره د مخامخ کېدو پر مهال له قضاوت مخکې د لوړو زده کړو وزارت له ویاند او یا د دې وزارت له نشراتو ریاست سره په اړیکه کې شي.
ګران هېوادوال دې خبر وي
