د لوړو زده کړو وزارت علمي معین د مرکز د څلور ګونو پوهنتونونو له مسوولينو سره د کتنې په ترڅ کې په دغو پوهنتونونو کې د تحصيلي چارو پر پياوړتيا ټينګار وکړ.
یکشنبه ۷ حمل ۱۴۰۱
د لوړو زده کړو وزارت علمي معین د مرکز د څلور ګونو پوهنتونونو له مسوولينو سره د کتنې په ترڅ کې په دغو پوهنتونونو کې د تحصيلي چارو پر پياوړتيا ټينګار وکړ.
په دې کتنه کې د لوړو زده کړو وزارت علمي معین دوکتور لطف الله خيرخواه وويل، چې د پوهنتونونو په پيل سره موږ ته موقع په لاس راغلې، چې خپل مسؤلینونه د ديني او ټولنيزو اصولو، قوانينو او ارزښتونو په نظر کې نيولو سره، د افغانستان مظلوم ولس ته غوره خدمتونه ترسره کړو.
ښاغلي خيرخواه د استاد د وظيفې د ستاينې په ترڅ کې زياته کړه، چې په درسي ټولګيو کې بايد له محصلینو سره شخصي، سياسي او سلیقه یي چلند ونه شي، تر څو محصلين د سمو فکرونو او افکارو په درلودلو سره وروزل شي او راتلونکي کې خلکو ته په ښه توګه خدمت وکړي.
د لوړو زده کړو وزارت علمي معین په خبره، اوس چې په هېواد کې جګړه او تاوتریخوالی پای ته رسېدلی، باید د پوهنتونونو استادان د تحصیلي نصاب، څېړنیزو لیکنو او د تحصیلي نظام د ښه والي لپاره له پخوا ډېر کار کوي.
د مرکز د څلور ګونو پوهنتونونو (کابل پوهنتون، کابل طبي پوهنتون، کابل پولتخنیک پوهنتون او د کابل ښوونې او روزنې پوهنتون) مسوولينو د خوښۍ په څرګندولو سره اطمینان ورکړ، چې د لوړو زده کړو وزارت سره په همغږۍ به خپل مسووليتونه سرته رسوي او په ټولنه حاکمو ارزښتونو ته به جدي پاملرنه کوي.
