د لوړو زده کړو وزارت مالي او اداري معین کندهار ولایت ته د خپل کاري سفر په ترڅ کې له کندهار پوهنتون او د افغانستان د کرنیزو علومو او ټکنالوژۍ ملي پوهنتون (اناستو) څخه لیدنه وکړه.
د لوړو زده کړو وزارت مالي او اداري معین مولوي حافظ محمد حامد حسیب د کندهار پوهنتون له رئیس مولوي محمد اکرم شاه صاحب سره وکتل او د کندهار پوهنتون پر علمي، اداري او مالي چارو یې خبرې ورسره وکړې. دغه راز د لوړو زده کړو وزارت مالي او اداري معین د کندهار پوهنتون د رئیس په ملتیا د دغه پوهنتون له لیلیې او نورو مختلفو برخو څخه لیدنه وکړه.
همدارنګه د لوړو زده کړو وزارت مالي او اداري معین د افغانستان د کرنیزو علومو او ټکنالوژۍ ملي پوهنتون له علمي مرستیال او سرپرست رئیس پوهنیار ثناءالله ارغستاني سره د لیدنې تر څنګ د دغه پوهنتون له ودانیو او لیلیې څخه لیدنه وکړه، د یاد پوهنتون د مسؤلینو ستونزې او وړاندیزونه واورېدل.
د لوړو زده کړو وزارت مالي او اداري معین مولوي حافظ محمد حامد حسیب د کندهار پوهنتون او د افغانستان د کرنیزو علومو او ټکنالوژۍ ملي پوهنتون (اناستو) مسؤلینو ته وویل، چې د اسلامي او ملي ارزښتونو په رڼا کې د هېواد بچیان وروزي او د ا.ا.ا او لوړو زده کړو وزارت پالیسۍ عملي کړي. نوموړي د یادو پوهنتونونو ستونزې او اړتیاوې له نیږدې وکتلې او ویې ویل چې ټول موارد به د لوړو زده کړو وزارت له مشرتابه سره شریک او د حل په موخه به یې عملي ګامونه واخیستل شي.
نېټه: یکشنبه
۱۴۴۴/۵/۱۰هـ.ق ۱۴۰۱/۹/۱۳هـ.ش ۲۰۲۲/۱۲/۴م
د لوړو زده کړو وزارت مطبوعاتي دفتر
