د چاپېریال او اوبو څېړنې ملي مرکز د اساسنامې د بډاینې او وروستي کولو په‌پار ناسته وشوه

baqir_admin
چهارشنبه ۱۳۹۹/۱۲/۱۳ - ۱۱:۵
g

د افغانستان چاپېریال او اوبو څېړنې ملي مرکز د اساسنامې د بډایه او وروستي کېدو په موخه، د ګډې کمیټې ناسته د لوړو زده کړو وزارت علمي معین په مشرۍ جوړه شوه.

د ناستې په پیل کې د لوړو زده کړو وزارت علمي معین پوهنمل عبدالتواب بالاکرزي، د یاد مرکز په اړه معلومات ورکړل او ویې ویل، چې د دغې ناستې موخه د افغانستان چاپېریال او اوبو څېړنې ملي مرکز د اساسنامې وروستي کول دي. په دغه ناسته کې د یاد مرکز رییس ډاکټر وسیم اقبال، د کابل او پولي‌تخنیک پوهنتونونو انجینرۍ، چاپېریال ساتنې، ځمکې‌پېژندنې، چاپېریال ساتنې او اوبو او چاپیریال پوهنځیو استادانو او د لوړو زده کړو وزارت د پلان، پالیسۍ او تقنین ریاست حقوقي آمر هم ګډون درلود.

ښاغلي اقبال د افغانستان چاپېریال او اوبو څېړنې ملي مرکز د فعالیتونو او ستونزو په اړه خبرې وکړې او د دغه مرکز د اساسنامې او حقوقي شخصیت پر وروستي کولو یې ټینګار وکړ.

وروسته د ناستې غړو د دغې اساسنامې د مسودې او موادو په اړه، چې تشکیلاتي جوړښت حقوقي شخصیت او مالي منابع پکې راځي، هر اړخېزې خبرې وکړې او پرېکړه وشوه، چې یاده مسوده دې د ناستې له ټولو غړو سره شریکه شي، د هغوی نظریات او وړاندیزونه دې له راغونډېدو وروسته په بله ناسته کې وړاندې شي.

د یادولو ده چې د افغانستان چاپېریال او اوبو څېړنې ملي مرکز، د افغانستان د چاپېریال او اوبو ستونزو په موخه د لوړو زده کړو وزارت په وړاندیز او د افغانستان اسلامي جمهوریت عالي مقام په حکم، د لوړو زده کړو وزارت په چوکاټ کې جوړ شوی دی.

تازه خبرونه

یکشنبه ۱۴۰۰/۱/۲۹ - ۱۰:۱۸
Background image

د لوړو زده کړو وزارت مرکزي ادارو د تشکیلاتو جوړښت بیاکتنې کمېټې ناسته وشوه

د لوړو زده کړو وزارت مرکزي ادارو د تشکیلاتو جوړښت بیاکتنې کمېټې ناسته نن د دغه وزارت مالي او اداري معین په مشرۍ ترسره شوه.

په پیل کې د لوړو زده کړو وزارت مالي او اداري معین نور احمد. . .

دوشنبه ۱۴۰۰/۱/۱۶ - ۱۱:۱۱
Background image

د لوړو زده کړو وزارت د محصلانو خدماتو د انسجام نوې آمره معرفي شوه

. آغلې تمنا فقیري نن د لوړو زده کړو وزارت د دولتي محصلانو چارو رییس پوهنوال محمد شریف امین او د لوړو زده کړو وزارت ویاند پوهنیار حامد عبیدي له لوري د دغه وزارت د محصلانو خدمتونو د. . .

یکشنبه ۱۴۰۰/۱/۱۵ - ۴:۲۴
Background image

د لوړو زده کړو وزارت او انرژۍ خدمتونو د تنظیم ادارې تر منځ نن د همکاریو هوکړه لاسلیک شوه

له دغې هوکړې څخه موخه؛ د انجینرۍ، چاپېریال ساتنې، برېښنا او انرژۍ په برخو کې د مسلکي تجربو شریکول، د علمي ناستو هدفمنول، د تحصیلي نصاب لا معیاري کول، فارغ شویو زدکړیالانو ته د کار لار. . .

BACK TO NEWS