پخواني علمي کادر او لیکوال محمدعثمان تره کي او د ریاست الوزراء د سیاسي مرستیال د عامه اړیکو مسؤل حدیدالله ذاکري د لوړو زده کړو سرپرست وزیر سره د یوې ناستې په ترڅ کې وکتل.
محمد عثمان تره کی، چې د ظاهرشاه د واکمنۍ پر مهال د افغانستان د علمي کادر غړی او لیکوال و تازه له بهر څخه افغانستان ته راغلی او د لوړو زده کړو وزارت سرپرست وزیر الحاج مولوي عبدالباقي حقاني سره یې د سرپرست وزیر په کاري دفتر کې وکتل.
په دغه ناسته کې د لوړو زده کړو سرپرست وزیر الحاج مولوي عبدالباقي حقاني نوموړي ته د لوړو زده کړو وزارت د تېر یو کال لاسته راوړنې او د لوړو زده کړو په برخه کې د پرمختګونو په اړه معلومات ورکړل او همداراز نوموړي د افغان نړیوال پوهنتون د ایجاد یادونه وکړه، چې ډېر ژر به پکې د دوکتورا او ماسټرۍ په کچه په نړیوالو معیارونو برابرې تدریسي چارې پیل شي.
محمد عثمان تره کي له سرپرست وزیر سره په علمي او اکاډمیکو برخو کې خپلې تجربې شریکې کړې او په علمي همکاریو کې د فرصتونو برابرولو په اړه یې لازمې مشورې ورکړې.
دغه راز د ښاغلي تره کي او د لوړو زده کړو سرپرست وزیر ترمنځ افغانستان کې د اړتیا وړ علمي کادرونو په ډېر والي، د لوړو زده کړو په برخه کې د وسایلو په برابرولو او په کور دننه د محصلینو د لاښه روزنې او تدریسي چاپیریال په جوړولو فکر او مشورې وشوې.
