د لوړو زده کړو وزارت د تحقیق، تألیف او ترجمې ریاست د غړي دوکتور احسان الله احسان په مشرۍ د دغه وزارت یوه پلاوي د...
د لوړو زده کړو وزارت د تحقیق، تألیف او ترجمې ریاست د غړي دوکتور احسان الله احسان په مشرۍ د دغه وزارت یوه پلاوي د کابل پولي تخنیک پوهنتون د څېړنې له مرکز او نړیوالې علمي مجلې څخه لیدنه وکړه.
دغه پلاوي چې د کابل پولي تخنیک پوهنتون لپاره د لوړو زده کړو ځانګړي استازي یې ملتیا کوله، په پیل کې یې د یاد پوهنتنون له مشرتابه او استادانو سره تعرفي ناسته وکړه او وروسته یې د کابل پولي تخنیک پوهنتون د نړیوالې علمي مجلې له دفتر څخه د دغې مجلې د اعتبار ورکونې او څېړنې په موخه لیدنه وکړه او د دغې مجلې له مدیر مسؤل، مرستیال او تحریر له غړو سره ناسته وکړه.
په دغه ناسته کې د کابل پولي تخنیک پوهنتون د نړیوالې علمي مجلې مسؤلانو د دغې مجلې د فعالیتونو په اړه راپور وړاندې کړ او د لوړو زده کړو وزارت پلاوي د دغې ژورنال پر غني کولو ټينګار وکړ.
