د لوړو زده کړو وزیر د ویډیو کنفرانس له لارې د ایران د آزاد اسلامي پوهنتون له رهبري پلاوي سره خبرې وکړې
د لوړو زده کړو وزیر د اکاډمیکو همکاریو په پار د ایران آزاد اسلامي پوهنتون رهبري پلاوي سره د ویډیو کنفرانس له لارې خبرې او د نظر تبادله وکړه.
د لوړو زده کړو وزیر ډاکتر عباس بصیر په داسې حال کې چې د دولتي پوهنتونونو یو شمېر ريیسانو او د آزاد اسلامي پوهنتون ځینو ريیسانو هم ګډون درلود وویل:؛ تحقیق او څیړنه زموږ د بنسټیز محور ځانګړنه ده چې په راتلونکې کې به د افغانستان د تحصیلي نظام د پرمختګ او کیفیت لوړولو لپاره وي، نوموړي وویل د ایران د پوهنتونونو تجربې کولای شي دې موخې ته د رسیدو لپاره زموږ سره همکاري وکړي.
د لوړو زده کړو وزیر د ایران د علمي همکاریو په برخه کې په ځانګړې توګه د تحصیلي بورسونو د ورکړې او د دواړو هېوادونو د علمي اړیکو پر پراختیا ټینګار وکړ او د افغان او ایران د څیړونکو ګډو څیړنو، د چارو د لا ښه تنظیم او اړیکو د پراختیا او دا ډول ناستو د داوم غوښتنه وکړه.
د ایران د ازاد اسلامي پوهنتون رئیس ډاکتر محمد مهدي طهرانچي د ایران او افغانستان علمي اړیکو ته په اشارې وویل: د ایران آزاد اسلامي پوهنتون د افغانستان له پوهنتونونو سره هر اړخیزې مرستې ته چمتو دی، هغه همداراز وویل، آزاد اسلامي پوهنتون په پام کې لري څو خپل اکاډمیک فعالیتونه د کابل په څانګه کې پراخ کړي، طهرانچي زیاته کړه د دواړو دوستو هیوادونو د علمي او اکاډمیکو فعالیتونو پراختیا د دواړو هیوادونو د اړتیاو له مخې د علم او پراختیا د جغرافیې د ایجاد لامل کیږي.
