د لوړو زده کړو وزارت مالي او اداري معین او ورسره مل پلاوي، غزني ولایت ته په یوه کاري سفر کې د یاد ولایت له پوهنتونونو څخه لیدنه وکړه.
۱۴۴۳/۱۰/۲۴
۱۴۰۱/۳/۴
د لوړو زده کړو وزارت مالي او اداري معین او ورسره مل پلاوي، غزني ولایت ته په یوه کاري سفر کې د یاد ولایت له پوهنتونونو څخه لیدنه وکړه.
د لوړو زده کړو وزارت مالي او اداري معین مولوي حافظ محمد حامد حسیب، ورسره مل پلاوي او په غزني کې د لوړو زده کړو وزارت ځانګړي استازي د غزني تخنیکي پوهنتون درسي ټولګي، اداري دفترونه او د پوهنتون حویلۍ له نیږدې وکتل.
همداراز د لوړو زده کړو وزارت مالي او اداري معین د اسلامي ثقافت لپاره جوړ شوی تالار، چې په ۲۰۱۳م، کال کې د د وزیرانو شورا د پرېکړې پر بنسټ د غزني تخنیکي پوهنتون ته ورکړل شوی و، تخریب شوې برخې له نیږدې ولیدلې.
همدارنګه په دغه لیدنه کې د غزني تخنیکي پوهنتون رئیس پوهنمل فدا محمد محمدي د یاد پوهنتون د لیلیې د اوبو او برېښنا ستونزه، د اسلامي ثقافت لپاره جوړ شوي تالار د تخریب شویو برخو د بیارغونې او د دغه پوهنتون نورې اړتیاوې د لوړو زده کړو وزارت له مالي او اداري معین سره شریکې کړې، چې د یادو اړتیاوو پوره کولو او ستونزو د حل په موخه د لوړو زده کړو وزارت مالي او اداري معین له لوري د پوره همکارۍ ډاډ ورکړل شو.
