د دولتي پوهنتونونو نویو رامنځ ته شویو (اسلامي ثقافت) علمي کادري بستونو خبرتیا!

د پکتيا او پکتيکا پوهنتونونو  د اړتيا د پوره کولو پر اساس، د يادو پوهنتونونو د اسلامي ثقافت خالي کادري بستونه د دوهم ځل لپاره اعلان ته ورکول کيږي. 

د پکتيکا پوهنتون (۴) بسته ـ نارينه وو لپاره.

د پکتيا پوهنتون (۵) بسته ـ ښځينه وو لپاره. 

داوطلبان (ذکور او اناث) کولای شي، چې د ۱۴۰۱ هـ ش کال د میزان په دويمه نېټه يادو بستونو ته د نوم ليکنې په موخه خپلې غوښتنپاڼې ډکې او خپل اصلي اسناد او د تذکرې کاپي دې د کابل پوهنتون د استاذانو چارو د آمريت ځانګړې کميټې ته وسپاري. 

يادونه:  هغه داوطلبان، چې تېره ازموینه کې يې ګډون کړی وي او بریالي شوي نه وي، د بیا ځلې نوم ليکنې حق نلري.