د لوړو زده کړو وزارت د معلوماتي ټکنالوژۍ ارزوونکي پلاوي ننګرهار پوهنتون ته سفر وکړ.
د لوړو زده کړو وزارت د معلوماتي ټکنالوژۍ رئیس انجنیر احمدضیاء جبارخېل په مشرۍ پنځه کسیز فني او مسلکي پلاوي د ختیځ د دولتي پوهنتونونو د معلوماتي ټکنالوژۍ وضعیت ارزولو او څېړلو په لړ کې ننګرهار پوهنتون ته سفر وکړ.
یاد پلاوي د ننګرهار پوهنتون مشرتابه سره د پوهنتون ریاست مقام کې لیدنه وکړه او د خپل کاري سفر د موخو په اړه یې معلومات ورکړل.
د لوړو زده کړو وزارت د معلوماتي ټکنالوژۍ رئیس انجنیر احمدضیاء جبارخېل وویل، چې د خپل کاري سفر په ترڅ کې به د ننګرهار پوهنتون او نورو پوهنتونونو د معلوماتي ټکنالوژۍ سیستمونو، شبکو، ویب سایټونو، HEMIS پروګرام، ډیټا سنټرونو، سرورونو، کتابتونونو، کمپیوټر لیبونو، انټرنیټ او نورو بېلابېلو برخو نه سروې او لیدنه ترسره کړي.
نوموړي زیاته کړه: له ارزونې وروسته به د یادو برخو د ستونزو د حل په برخه کې لازم اقدامات ترسره کړي او هم به یې د انکشاف لپاره ځینې پروژې تطبیق کړي.
د ننګرهار پوهنتون رئیس پوهاند دوکتور خلیل احمد بهسودوال راغلي پلاوي ته ښه راغلاست ووایه او مننه یې ترې وکړه، چې د معلوماتي ټکنالوژۍ په برخه کې د پوهنتونونو ستونزو ته رسیده ګي کوي.
نوموړي په اړونده برخه کې د شته ستونزو په اړه د پلاوي غړو ته معلومات ورکړل او د پوهنتون د معلوماتي ټکنالوژۍ او کتابتون مسؤلینو ته یې لارښوونه وکړه، چې د سروې او ارزونې په برخه کې له راغلي پلاوي سره مرسته او همکاري وکړي.
د یادونې وړ ده، چې د نوموړي پلاوي په تشکیل کې د لوړو زده کړو وزارت د معلوماتي ټکنالوژۍ د رئیس سربېره د یاد ریاست د معلوماتي ټکنالوژۍ آمر انجنیر ضیاءالرحمن صافی، د ویب سایټ عمومي مدیر انجنیر ممتاز منیب، د منیټورینګ عمومي مدیر انجنیر احسان عمري او د معلوماتي ټکنالوژۍ د برنامو عمومي مدیر انجنیر اسامـ.ـه غړیتوب لري.
