د هرات پوهنتون د تدریسي او اداري ودانیو د بیارغونې او ترمیم پروژه د یاد پوهنتون رئیس له خوا پرانیستل شوه.
د پروژې د پرانيستې په مراسمو کې د هرات پوهنتون رئيس شيخ الحديث مفتي عبدالغفار په داسې حال کې چې د دغه پوهنتون نورو مسؤلينو هم شتون درلود، د هرات پوهنتون د بيارغونې او پراختيا د پروګرامونو او پروژو په اړه معلومات ورکړل او د پوهنتون له استادانو، محصلينو او کارکوونکو یې وغوښتل، چې د دغه پوهنتون د تاسيساتو ساتنې ته پاملرنه وکړي.
د يادونې وړ ده، چې د دې پروژې لګښت د هرات پوهنتون له پرمختيايي او حفظ او مراقبت بودجې څخه ورکړل شوی، چې کارونه به یې د ١۴٠٢ لمريز کال تر پايه بشپړ او ګټې اخيستنې ته وسپارل شي.
