د لوړو زده کړو وزیر د امانت پروژې له عمومي ريیس سره وکتل
د لوړو زده کړو وزیر ډاکټر عباس بصیر په دغه ناسته کې د امانت پروژې له عمومي ريیس (بار بارا جیمس) سره د مسلکي وړتيا لوړولو، حقوقي همکاریو او د برېښنايي حکومتولۍ پر پراختیا خبرې وکړې.
د لوړو زده کړو وزیر د امانت پروژې له همکارۍ مننه وکړه او ویې ویل، له داخلي تفتیش څخه ملاتړ، برېښنايي حکومتولي، د دولتي او خصوصي پوهنتونونو د اسنادو د اجراء کولو ډېجېټلي کول په دې برخه کې د ارزښت وړ دي.
هغه وویل د تحصیلي بنسټونو له خوا د برېښنايي سېستم له لارې د ډیپلومونو ورکړه، د دې وزارت له مهمو پروګرامونو شمېرل کېږي چې د عامه خدمتونو په پروسه کې د اسانۍ سبب ګرځي.
د امانت پروژې عمومي رييس بار بارا جیمس د اوږد مهاله همکاريو ژمنه وکړه چې د مسلکي وړتيا لوړونې، حقوقي همکارۍ او له داخلي تفتیش سره د تخنیکي همکاریو په برخه کې به هر اړخیزې مرستې وکړي.
