د لېسانس، ماسټري او دوکتورا په کچه د اندونیزیا لمپونګ پوهنتون د تحصیلي بورسونو خبرتیا!

baqir_admin
ل

Due

-

د اندونیزیا لمپونګ دولتي پوهنتون د 3017 UN26./K.S/2021/ شمېرې یادښت او /2021/4/16 نېټې، د افغانستان ځوانانو د هڅونې په موخه د ۱۴۰۰ کال لپاره د لېسانس، ماسټرۍ او دوکتورا په کچه د خپلو تحصیلي بورسونو خبر ورکړی دی.

د بورسونو شرایط:

ـ د لېسانس دورې د نوماند د نومرو سلنه باید له ۷۰ او د فوق لېسانس لپاره له ۶۵ سلنې کمه نه وي؛

ـ د پاسپورټ کاپي، چې د باور وخت یې لږ تر لږه ۲ کاله وي؛

ـ په انګرېزي ژبه د اسنادو ژباړه؛

ـ تعلیمي اسناد (شهادتنامه او دری کلنې نومرې) تحصیلي اسناد (ډيپلوم او ټرانسکرېپټ) د افغانستان رسمي مراجعو (لوړو زده کړو او بهرنیو چارو وزارت) له لوري تایید شوي وي او د اندونیزیا تبع نه وي.

ـ د لېسانس دورې د نوماند عمر له ۲۵، د ماسټرۍ لپاره له ۳۵ او د دوکتورا لپاره له ۴۰ کم وي.

ـ د لېسان دورې لپاره له دولسم فارغ وي، د ماسټري لپاره لېسانس او دوکتورا لپاره باید ماسټر وي.

ـ د پوهنتون د فیس لګښټ، د پوهنتون داخله، د اوسېدو ځای، د وېزې پیسې او (۲،۵۰۰۰۰۰) دوه میلیونه او پینځه سوه زره اندونیزیایي روپي، زدکړیال ته د میاشتني لګښت په توګه هم ورکول کېږي.

ـ نوملیکنه په انلاین توګه ده؛

ـ د ویلو ده چې د نوملیکنې وروستۍ نېټه د ۲۰۲۱ کال د جون تر لومړۍ نېټې ده، تر ټاکل شوې نېټې وروسته نه منل کېږي.

ـ د یادو بورسونو په اړه د لا زیاتو معلوماتو لپاره لاندې برېښنایي پتې ته ورشئ: pkli@pka.unila.ac.id  

ـ د غوښتنې فورم او نور اړوند اسناد باید داوطلب په مستقیم ډول، په انلاین توګه له http://io.unila.ac.id/admission/ لینک څخه واستوي.

په ورته وخت کې ټینګار کېږي چې د یادو بورسونو نوملیکنه انلاین ده چې ټول طی مراحل یې پخپله د داوطلب له لوري تر سره کېږي. د منل کېدو په صورت کې منښتپاڼه د بورس مرجع له لوري په مستقیم ډول د داوطلب  برېښنالیک ته استول کېږي.

نو ټولو د شرایطو وړ داوطلبانو ته خبر ورکول کېږي چې په دغه بورسونو کې د نوملیکنې په صورت کې د نوملیکنې له انلاین پروسې مخته وړولو او د بورس د مرجع له منلو وروسته د تعلیمي او تحصیلي اسنادو او همدارنګه د منښتپاڼې فورمې یوه یوه کاپي د لوړو زده کړو وزارت منښت ۲۱مې غرفې ته وسپاري او فورمې هم له دغې غرفې تر لاسه او بېرته یې ورته وسپاري.

دانلود

دانلود

آخرین بورسیه ها

پنجشنبه ۱۴۰۰/۳/۲۰ - ۷:۲۳
Background image

د پاکستان هېواد په(CIIT) پوهنتون کې د لېسانس او ماسټرۍ په کچه په تحصیلي فیس کې له تخفیف سره د تحصیلې بورسونو خبرتیا

د افغانستان ا.ج د بهرنیو چارو وزارت د  6583 شمېرې لیک په ترڅ کې په ۱۰/۰۳/۱۴۰۰ نېټه د ۲۰۲۱ کال د مني لپاره د ۵۰ سلنه وړیا او په شخصې لګښت په بېلابېلو تحصیلي څانګو کې د لېسانس او ماسټرۍ . . .

یکشنبه ۱۴۰۰/۳/۱۶ - ۱۱:۵۰
Background image

د ماسټرۍ په کچه د اندونیزیا هېواد اسلام ملنګ پوهنتون تحصیلي بورسیو خبرتیا

د اندونیزیا هېواد اسلام ملنګ پوهنتون د ‍‍‍۱۴۰۰ کال لپاره د افغانستان ځوانانو ته په بېلابېلو کچو کې د (۴) تحصیلي بورسیو خبر ورکړی چې دوه یې د ماسټرۍ په کچه دي.

د بورسیې شرایط:

۰ د . . .

پنجشنبه ۱۴۰۰/۳/۶ - ۹:۵۸
Background image

د لېسانس او ماسټرۍ په کچه د هند ویشوا کرما د پونه ښار پوهنتون تحصیلي بورسونو خبرتیا!

په انجنیرۍ څانګو، اداره، ساینس، سوداګرۍ، معلوماتي ټکنالوژۍ، طراحۍ، ښکلو هنرونو، ژورنالېزم، ټولیزې اړیکې، قانون او نورو برخو کې  د لېسانس او ماسټري په کچه د هند ویشوا کرما د پونه ښار . . .