د عامې روغتيا سرپرست وزير په کونړ سيد جمال الدين افغاني پوهنتون کې د یو باب کلینیک جوړولو او یو عراده امبولانس ورکولو د مرستې ژمنه وکړه.
یاده ژمنه د عامې روغتيا سرپرست وزير مولوي نورجلال جلالي او د ازموينو ملي ادارې مرستيال شيخ رحيم الله حقاني، کونړ ولايت ته د خپل سفر په ترڅ کې له کونړ سيد جمال الدين افغاني پوهنتون څخه د لیدنې پر مها ل وکړه.
د کونړ سید جمال الدین افغاني پوهنتون رئيس شيخ عبدالمالک محسن راغلو مشرانو ته ښه راغلاست وویل او په روغتیایي برخه کې يې د دغه تحصیلي بنسټ شته ستونزې د عامې روغتیا له سرپرست وزیر سره شریکې کړې.
وروسته د عامې روغتيا سرپرست وزیر په یاد پوهنتون کې د یو باب کلینیک جوړولو او یو عراده امبولانس ورکولو د ژمنې تر څنګ، استادانو او محصلینو ته د روغتیایي خدمتونو وړاندې کولو په برخه کې هم د همکارۍ ډاډ ورکړ.
