د کارکوونکو د پانګې د ارزونې او ثبت د طريقې د کار په اړه ورکشاپ ورکړل جوړ شو
د کارکوونکو د شتمنیو د ثبت او بیاکتنې کارِي پوهاوي ورکولو ورکشاپ نن د لوړو زده کړو وزارت کې جوړ شوو.
دغه ورکشاپ چې د جمهوري ریاست د چارو د ادارې د شتمنیو د ثبت ریاست او لوړو زده کړو وزارت د بشري سرچینو د ریاست په همغږۍ جوړشو، پکې د لوړو زده کړو وزارت مالي او اداري معین نور احمد دروېش، د چارو د ادارې د شتمنیو د ثبت او پلټنې رئیس، د لوړو زده کړو وزارت رئیسانو او کارکوونکو او د مرکز د څلورو پوهنتونونومسئولینو ګډون درلود.
د لوړو زده کړو وزارت مالي او اداري معین د لومړۍ رتبې څخه تر شپږمې رتبې پورې د کارمندانو د شتمنیو د ثبت او بیاکتنې پروسه د روڼوالي ، حساب ورکونې او ښې حکومتولۍ د تامین لپاره غوره ګام وباله، د دولتي کارمندانو د شتمنیو د ثبت پروسې اهمیت ته په اشاره يې ډاډ څرګند کړ چې یاده پروسه په منظمه ډول د ټاکلي شوي وخت په پام کې نیولو سره سم په لوړو زده کړو وزارت کې بشپړ شي.
همدا رنګه د چارو د ادارې د شتمنیو د ثبت او بیاکتنې رئیس عبدالودود بشریار د دې ادارې د موخو او پلانو په اړه کارکوونکو ته معلومات ورکړل، ويې ویل " د شتمنیو ثبت د فساد ، بې عدالتۍ سره د مبارزې او ملت ته د ځواب ویلو د فرهنګ بنسټیز کولو لپاره یوه غوره وسیله ده."
وروسته ګډونوالو ته د شتمنیو د ثبت فورمو د ډکولو د څرنګوالي او د شتمنیو د ثبت آنلاین سیستم معرفي کولو په اړه پریزینټشنونه وړاندې شول .
د ورکشاپ په پای کې د شتمنیو د ثبت د څرنګوالي په اړه د ګډونوالو مطرح شوو پوښتنو ته ځواب وویل شول.
