د لوړو زده کړو وزارت د مالي او اداري معينيت د رئيسانو د همغږۍ ناسته د مالي او اداري معين مولوی حافظ محمد حامد حسيب
1401/4/1
1443/11/23
د لوړو زده کړو وزارت د مالي او اداري معينيت د رئيسانو د همغږۍ ناسته د مالي او اداري معين مولوی حافظ محمد حامد حسيب په مشرۍ تر سره شوه.
په دې ناسته کې، چې د قرانکريم د څو مبارکو أيتونو په تلاوت سره پيل شوه، د اجنډا سره سم د تېرو غونډو پرېکړو ته لنډه کتنه وشوه او د یاد معينيت رئيسانو په یو شمېر مهمو موضوعاتو لکه د ډيپلومونو د چاپ او افغان نړېوال پوهنتون کې د اوبو د کم والي او یو شمېر ستونزو باندې بحث او نظرونه تبادله کړل.
د لوړو زده کړو وزارت مالي او اداري معين خلکو ته د غوره خدمتونو په وړاندې کولو او په کاري چارو کې د اسانتياو په رامنځته کولو باندې ټېنګار وکړ او د اړونده ریاستونو مسؤولينو ته يې لازمې لارښوونې وکړې.
غونډه د هېواد د خیر او آبادۍ په دعا سره پای ته ورسېده.
