د لوړو زده کړو سرپرست وزیر د لوگر ولايت جهادي مدرسې په فراغتغونډه کې گډون او وينا وکړه
د لوړو زده کړو سرپرست وزیر محترم شیخ الحدیث مولوي نداء محمد ندیم لوګر ولایت ته په خپل رسمي سفر کې د دغه ولایت جهادي مدرسې د طالب العلمانو په فراغتغونډه کې په ټولنه کې د علماء کرامو پر ارزښت خبرې وکړې او ویې ویل: «علماء کرام د ټولنې ستر نعمت دي. د دین رسوونکي، زموږ رهبران او رهنما دي او د پیغمبر علیه السلام وارثان دي.»
نوموړي زیاته کړه چې دا ملت ټول مسلمان دی، په ټولو چارو کې یې لومړیتوب اسلام دی او له علماء کرامو څخه یې وغوښتل چې خپل ملت ته د دین په رسونه کې هڅه وکړي.
دغه راز د لوړو زده کړو سرپرست وزیر علماء کرامو ته وویل چې د نظام په هره برخه کې که هر ډول ستونزې وي ورسره شریکې یې دې کړي او ویې ویل چې د نظام والي، ولسوال، وزیر، رئیس او ټول مسؤلین ستاسو مامورین دي.
نېټه: شنبه
۱۴۴۶هـ.ق، د جمادي الثاني ۱۹مه
۱۴۰۳هـ.ش، د جدې اوله
۲۰۲۴م، د ډسمبر ۲۱مه
