د ارزګان لوړوزده کړو مؤسسې رهبري پلاوي د ارزګان والي سره د یادې موسسې د لا پرمختګ په موخه وکتل.
د لیدنې په پیل کې د ارزګان لوړو زده کړو مؤسسې رئیس مولوي رحمت الله رحماني په یاد تحصیلي بنسټ کې د شته ظرفیتونو، لاسته راوړونو، اړتیاوو، ستونزو او د ولایت مقام د همکاریو پر څرنګوالي خبرې وکړې.
ورپسې د ارزګان والي مولوي عنایت الله شجاع د یاد تحصیلي بنسټ رهبري پلاوي ته د ښه راغلاست ترڅنګ د عصري زده کړو اهمیت ته په اشارې سره وویل چې دا هېواد استادانو او د عصري علومو متخصیصینو ته اړتیا لري چې په دې برخه کې د اسلامي امارت تګلاره واضیح ده او په پوره قوت سره تعلیمي او تحصیلي مرکزونو ته توجو شوې ده او کیږي.
نوموړي د مؤسسې ستونزو ته د رسیدګۍ، د مؤسسې پرمختګ او د امکاناتو د موندلو په خاطر د هر اړخیزې همکارۍ ډاډ ورکړ.