د بامیان پوهنتون غصب شوې ځمکې بیا ترلاسه کولو په موخه د لوړو زده کړو وزارت ټاکل شوي پلاوي بامیان ولایت ته سفر وکړ او ترڅنګ یې د ولایت او پوهنتون له مسؤلینو سره لیدنه وکړه.
د لوړو زده کړو وزارت ټاکل شوي پلاوي د داخلي تفتیش رئیس مولوی خالد افغان په مشرۍ چې ورسره تخنیکي پلاوي او د اداري او زیر بنا رئیس قاضي عبدالعزیز عزیزی ملتیا کوله، د بامیان پوهنتون له اداري مسؤلینو سره د لیدنې ترڅنګ یې د غصب شوي ځمکې څخه معلومات ترلاسه او همدارنګه له غصب شوې ځمکې څخه لیدنه وکړه.
په همدې اساس ټاکل شوي پلاوي د بامیان پوهنتون غصب شوي ځمکې د بیا ترلاسه کولو پروسې چټکتیا او بامیان پوهنتون ته سپارلو لپاره، د بامیان ولایت له والي او امنیتي مسؤلینو سره موضوع شریکه کړه او په دې اړه يې له هغوی څخه د مرستې غوښتنه وکړه، بل خوا د بامیان ولایت والی او مسؤلینو د پوره همکارۍ ډاډ ورکړ.
نیټه یکشنبه:
