د بشري حقونو د تمثیلي محکمې په ملي سیالیو کې د کابل پوهنتون د محصلينو اتلولي ونمانځل شوه

baqir_admin
پنجشنبه ۱۳۹۹/۱۱/۲ - ۱۰:۵
ض

د بشري حقونو د تمثیلي محکمې په ملي سیالیو کې د کابل پوهنتون د محصلينو اتلولي ونمانځل شوه.

د کابل پوهنتون د محصلينو چارو معاونیت د يو لړ مراسمو په ترڅ کې د بشري حقونو د تمثیلي محکمې په ملي سیالیو کې چې کابل پوهنتون کې جوړې شوې وې، د شرعیاتو پوهنځي د محصلينو اتلولي تر لاسه کول د حقوقو او سیاسي علومو د پوهنځي د تمثيلي محکمې د ټیم له لوري ونمانځل شوه.

د کابل پوهنتون رييس پوهاند محمد عثمان بابري په خپلو خبرو کې د دې پوهنتون د محصلينو لومړی مقام تر لاسه کول د کابل پوهنتون، د حقوقو او سیاسي علومو پوهنځي ته تبریکي ورکړه او د پروګرام د ټولو کارکوونکو له هڅو يې ستاینه وکړه. ښاغلي بابري د تمثیلي محکمې د سیالیو د اهمیت په اړه وویل: «له بده مرغه له ډېرو ترسره شوو هڅو سره سره، د بې ثباتۍ ډولونه، ټولنیزې، اقتصادي او سیاسي ګډوډۍ، د قانون د حاکمیت، د محاکمو او قضایه قوې کمزوري او د هېواد په محکمو کې شته ستونزې او د محصلينو تر منځ چې د سبا مديران دي، د دې ډول رقابتي سیالیو جوړول ډېرې مهمې دي. په همدې توګه کابل پوهنتون د حقوقو او شرعیاتو پوهنځي ته په ځانګړي ارزښت  قایل دی، همداراز د محصلينو په دایمي لاسته راوړنو ویاړي چې په سختو شرایطو کې يې ترلاسه کوي».

د کابل پوهنتون د محصلينو چارو مرستيال پوهندوی فیصل امین، د شرعیاتو پوهنځي استاد دوکتور لطف الرحمن سعید، د کابل پوهنتون استاد او د طبيعي پېښو پر وړاندې د مبارزې په چارو کې د دولت وزیر پوهندوی نجیب اقا فهیم، په ولسي جرګه کې د خلکو استازی عمر نصیر مجددي او ښاغلي بختیار د شرعیاتو پوهنځي د تمثیلي محکمې د ټيم په استازولۍ، د دې پروګرام هغه نور ويناوال وو چې د تمثیلي محکمې د ارزښت او د کابل پوهنتون د استادانو او محصلينو د هڅو رول او لاسته راوړنو په اړه يې  خبرې وکړې او د دې لاسته راوړنې په اړه يې کابل پوهنتون په ځانګړې توګه د شرعیاتو پوهنځي ته تبریکي وویله.

د بشري حقونو د تمثیلي محکمې سیالۍ سږ کال د ۹ډلو ترمنځ د هېواد د اتو خصوصي او دولتي پوهنتونونو ترمنځ جوړې شوې وې.

تازه خبرونه

چهارشنبه ۱۳۹۹/۱۲/۱۳ - ۱۱:۵
Background image

د چاپېریال او اوبو څېړنې ملي مرکز د اساسنامې د بډاینې او وروستي کولو په‌پار ناسته وشوه

د افغانستان چاپېریال او اوبو څېړنې ملي مرکز د اساسنامې د بډایه او وروستي کېدو په موخه، د ګډې کمیټې ناسته د لوړو زده کړو وزارت علمي معین په مشرۍ جوړه شوه.

د ناستې په پیل کې د لوړو زده. . .

سه‌شنبه ۱۳۹۹/۱۲/۱۲ - ۱۳:۱
Background image

د کابل پوهنتون د عامه اړیکو او پالیسۍ او همدارنګه د ریاضیاتو پوهنځي پرانیستل

د لوړو زده کړو وزیرد کابل پوهنتون د عامه اړیکو او پالیسۍ او ریاضیاتو پوهنځیو نوې ودانۍ پرانیسته او ګټې اخیستنې ته یې وسپارله.

 د دغې ودانۍ په پرانیسته کې د لوړو زده کړو وزیر ډاکټر عباس. . .

سه‌شنبه ۱۳۹۹/۱۲/۱۲ - ۱۲:۲۲
Background image

د لوړو زده کړو وزیر د کابل پوهنتون د محصلانو ټولنې ستونزې او وړاندیزونه واورېدل

د لوړو زده کړو وزیر ډاکټر عباس بصیر د کابل پوهنتون محصلانو له ټولنې سره په داسې حال کې چې د محصلانو چارو معین سید فرهاد شهیدزاده هم حضور درلود، په یوه ناسته کې د محصلینو ستونزې او. . .

BACK TO NEWS