د بشري سرچینو ریاست د ظرفیت لوړونې پروګرامونو آمریت له لورې د لوړو زده کړو وزارت ملکي خدمتونو کارکوونکو ته درې ورځنی روزنیز پروګرام ترسره شو.
په دغه روزنیز پروګرام کې د لوړو زده کړو وزارت د ملکي خدماتو مرکزي ریاستونو او د دوېمي واحدونو شاو خوا (۲۳۸) کارمندانو ته د (سازمانونو ټولنیز کول او د اداري پروسو په اړه پوهاوی) ترنامه لاندې ترسره شو، چې د ظرفیت لوړونې پروګرامونو آمر عبیدالله مولایي له لورې د پروګرام ګډونوالو ته د لوړو زده کړو وزارت پېژندنې، د دې وزارت تشکیلاتي سېستم، د وزارت په کچه د رهبري څرنګوالي، د اداري جوړښت سلسه مراتب، د دولتي سازمانونو جوړښت او د هغوي د کارونو ماهیت او د ملکي خدمتونو د مامور مسؤلیتونو په اړه معلومات وړاندې شول او د ګډونوالو پوښتنو ته یې ځوابونه وویل.
د ظرفیت لوړونې پروګرامونو آمر عبیدالله مولایي یادونه وکړه، چې دغه برنامه یې د ریاست د پلان مطابق په لاره اچولې وه او په راتلوونکي دې ورته نور پروګرامونه هم په پلان کې لري، چې په خپل وخت کې به ترسره شي.
