د خصوصي پوهنتونونو او لوړو زده کړو موسسو د کمېسیون ناسته وشوه
په دې ناسته کې د لوړو زده کړو سرپرست وزیر محترم شیخ الحدیث مولوي نداء محمد ندیم د هېواد تحصيلي نظام او بېلا بېلو برخو پر نظم ټینګار وکړ او ويې ویل، چې په لوړو زده کړو کې نظم او یووالی رامنځ ته کول، د دې وزارت له اساسي موخو او مسوولیتونو څخه دي.
محترم شیخ صاحب د پوهنځیو پر تخصصي کولو ټینګار وکړ او ویې ویل: «دا د خوښۍ ځای دی، چې د ا.ا.ا له حاکمیت وروسته په تحصیلي نهادونو کې، په ځانګړې توګه خصوصي تحصیلي نهادونو کې تحصيلي معیارونه ورځ په ورځ پلي کېږي او د استادانو د دایمي تقرر پروسه هم په ښه ډول روانه ده.»
په ناسته کې ګډونوالو د اجنډا له مخې د موضوعاتو په اړه بحث او نظرونه تبادله کړل، د لوړو زده کړو وزارت د اصولو او لارښوونو مطابق یې اړینې پرېکړې وکړې او د ځینو موضوعاتو لپاره یې کمېټې وټاکلې.
نېټه: سه شنبه
۱۴۴۷ هـ.ق د محرم الحرام ۱۹مه
۱۴۰۴ هـ.ش د سرطان ۲۴ مه
۲۰۲۵م، د جولای ۱۵مه
