د "سازماني چلند او د چلند څرنګوالي مقررې" روزنیز پروګرام فارغانو ته تصدیقپاڼې ووېشل شوې
(سازماني چلند او د نویو شاملو شوو کارکوونکو ټولنیز کول) او (د چلند د تقرر طرز) روزنیز پروګرام دوو پړاوونو فارغانو ته نن په لوړو زده کړو وزارت کې تصدیقپاڼې ورکړل شوې.
د لوړو زده کړو وزارت بشري منابعو رییس محمد مصطفی یونس زاد د یادو تصدیقپاڼو د وېش په محفل کې د دغه ډول پروګرامونو د ګټو او کاري فضا د ښه کېدو په اړه وینا وکړه او د ورکشاپ له ګډونوالو یې وغوښتل؛ هغه څه یې چې زده کړل، د کار په بهیر کې پلي کړي.
محفل د تصدیقپاڼو په وېشلو او د کارکوونکو له لوري د وړاندیزونو او نظرونو په ورکولو سره پای ته ورسېد. یاد فارغان د ۲۰ تنو نویو شاملو شوو په ګډون ۴۶ تنه د لوړو زده کړو وزارت کارکوونکي دي.
