د لوړو زده کړو سرپرست وزیر شیخ الحدیث مولوي نداء محمد ندیم صاحب د افغان خصوصي لوړو زده کړو مؤسسې څخه لیدنه وکړه.
د لوړو زده کړو سرپرست وزیر او ورسره مل پلاوي د افغان لوړو زده کړو مؤسسې د مشرتابه په ملتیا د دغه تحصیلي بنسټ له درسي چاپېریال، کتابتون او درسي ټولګیو څخه لیدنه وکړه.
همدارنګه د لوړو زده کړو سرپرست وزیر د یاد تحصیلي بنسټ له مسؤلینو سره د لیدنې پر مهال د هغوی ستونزې او وړاندیزونه واورېدل، د حل ډاډ یې ورکړ او هغوی یې د اسلامي امارت د پالیسیو په پام کې نیولو سره، مخلصانه خدمت ته راوبلل.
وروسته د افغان لوړو زده کړو مؤسسې مشرتابه د لوړو زده کړو سرپرست وزیر په ورتګ خوښي وښوده، د دیني او ملي ارزښتونو په پام کې نیولو سره یې د معیاري تحصیلي خدمتونو د وړاندې کولو ډاډ ورکړ.
