د لوړو زده کړو سرپرست وزیر له استاد سليمانزي سره، چې د وسله والو غلو لخوا سخت ټپي شوی و ولیدل

baqir_hiadari
پنجشنبه ۱۳۹۸/۱۰/۱۹ - ۵:۱۲
عیادت

د لوړو زده کړو سرپرست وزیر پوهنمل عبدالتواب بالاکرزي له استاد حبیب الله سليمانزي سره، چې د وسله والو غلو لخوا سخت ټپي شوی و ولیدل.

پوهنمل عبدالتواب بالاکرزي په دې لیدنه کې د وسله والو غلو لخوا د اکاډميکې ټولنې پر استادانو دا ډول بریدونه د غندنې ترڅنګ د اندېښنې وړ وبلل.

د خوست شیخ زاید پوهنتون د معلوماتي ټکنالوژۍ ډيپارټمنټ استاد پوهنیار حبیب الله سلیمانزی تېر ماښام د کابل په میوند جاده کې د غلو لخوا تر برید لاندې نيول کيږي او د مخ او سر په برخه کې سخت ټپي کيږي.

د شیخ زاید پوهنتون دغه استاد د خپلو اسنادو د پروسس په موخه کابل ته راغلی و او ټاکل شوې وه، چې د دکتوار په کچه د لوړو زده کړو په موخه چین ته ولاړ شي، خو په یاده پېښه کې د زخمي کېدو تر څنګ خپل کمپيوټر او موبایل له لاسه ورکوي او تحصيلي اسناد يې هم د غلو لخوا څيرې کيږي.

د لوړو زده کړو سرپرست وزیر او علمي مرستیال پوهنمل عبدالتواب بالاکرزي استاد سلیمانزي سره د همدردۍ ترڅنګ نوموړي ته د عاجلې شفا غوښتنه وکړه او وعده يې ورکړه چې د اسنادو په دویم ځلي ورکړه کې به ورسره مرسته وکړي.

د لوړو زده کړو سرپرست وزیر له امنيتي ارګانونو څخه د هېوادوالو او په ځانګړې توګه د استادانو او محصلانو د امنيت په ساتنه کې د بشپړې پاملرنې غوښتونکی شو.

د یادولو وړ ده، چې څو ورځې وړاندې د کابل پوهنتون استاد محمد رفیع بنایی هم د وسله والو غلو لخوا د دغه ډول برید لاندې راغلی و.

تازه خبرونه

دوشنبه ۱۳۹۹/۶/۳۱ - ۸:۳۳
Background image

د لوړو زده کړو نوماند سرپرست وزير په ملي شورا کې د خلکو له يو شمېر وکیلانو سره وليدل

د لوړو زده کړو سرپرست او نوماند وزیر دکتور عباس بصیر په بیلابیلو لیدنو کې د ملي شورا له یو شمېر وکیلانو، لوړو پوړو حکومتي چارواکو او د هېواد د مختلفو قشرونو له مشرانو او استازو سره د. . .

دوشنبه ۱۳۹۹/۶/۳۱ - ۸:۲۵
Background image

د لوړو زده کړو نوماند سرپرست وزير د البيروني او پنجشير د لوړو زده کړو د بنسټونو له مسولينو سره وليدل

د لوړو زده کړو نوماند او سرپرست وزير دوکتور عباس بصير د هېواد د لوړو زده کړو بنسټونو له مسوولينو سره د خپلو ليدنو په لړ کې، دا ځل د البيروني او پنجشير لوړو زده کړو بنسټونو له رهبري او. . .

یکشنبه ۱۳۹۹/۶/۳۰ - ۱۲:۴۴
Background image

د لوړو زده کړو وزارت سرپرست او نوماند وزير د افغانستان امريکايي پوهنتون له رييس سره وليدل

د لوړو زده کړو وزارت سرپرست او نوماند وزير دوکتور عباس بصير د افغانستان امريکايي پوهنتون له رييس او تعليمي برخې له مرستيال سره وليدل.

په دې ليدنه کې د افغانستان امريکايي پوهنتون رييس. . .

BACK TO NEWS