د لوړو زده کړو سرپرست وزیر په مشرۍ د خصوصي تحصیلي بنسټونو د ګډ کمسیون ناسته ترسره شوه.
په یاده غونډه کې د لوړو زده کړو وزارت د محصلانو چارو معین، د مرکزي ادارو یو شمېر رئیسانو، ارشد سلاکار او د خصوصي پوهنتونونو استازو ګډون کړی و.
په پیل کې د لوړو زده کړو سرپرست وزیر شيخ الحديث مولوي نداء محمد نديم صاحب دا غونډه د لوړو زده کړو مؤسسو د ستونزو د حل لپاره اړينه وبلله او له ګډونوالو یې وغوښتل چې د مؤسسو ستونزې روښانه کړي.
ورپسې د لوړو زده کړو وزارت د علمي پروګرامونو د پراختیا رئیس انجنیر سردار ولي صالحي ستونزې لکه؛ د نوم بدلولو، پوهنځي ته د ډيپارټمنټ بدلولو، د فیس ستونزه، د زیاتو ډیپارټمنټونو لپاره د جواز اخیستلو، د بیا ځل لپاره پر فعالیت پیل کولو او په ځينو خصوصي لوړو زده کړو بنسټونو کې ټولې ستونزې په ګوته کړي، چې د سرپرست وزیر په مشرۍ ګډونوالو د دغو ستونزو د هواري لپاره د مناسبو حلارو وړاندیز وکړ.
