د لوړو زده کړو سرپرست وزیر په مشرۍ د خصوصي لوړو زده کړو کمیسیون ناسته وشوه
د ناستې په پیل کې د لوړو زده کړو وزارت سرپرست وزیر محترم شیخ الحدیث مولوي نداء محمد ندیم صاحب وویل چې موږ د کیفیت او معیارونو په پام کې نیولو سره، د خصوصي پوهنتونونو پرمختګ ته ژمن یو او زیاته یې کړه چې خصوصي تحصیلي نهادونه د هېواد تحصیلي نظام په پیاوړتیا کې مهم رول لري.
وروسته له اجنډا سره سم د کمیسیون د غړو له لوري د ا.ا.ا ریاست الوزراء عالي مقام د ۱۴۴۶/۴/۲هـ.ق نېټې، ۱۵۹۰ ګڼې حکم له مخې، د یو شمېر خصوصي تحصیلي نهادونو له لوري د پوهنځیو او څانګو نویو ایجاد او تعدیل غوښتنو باندې هر اړخیز بحث وشو او یو شمېر موضوعات له تائید وروسته د نهایي پرېکړې په پار، عالي شورا ته ولېږدول شول.
