د لوړو زده کړو سرپرست وزیر کندهار ولایت ته په خپل کاري سفر کې، د افغانستان د کرنېز او ټکنالوژي علومو ملي پوهنتون څخه څارنه او ارزونه وکړه.

شیخ الحدیث مولوي نداء محمد ندیم صاحب د پوهنتون له کتابتونونو، لابراتوارونو، درسي صنفونو او نورو برخو څخه د څارنې او ارزونې ترڅنګ د یاد پوهنتون مسؤلینو ته د توکو د ساتنې او سمې ګټې اخستنې سپارښتنې وکړې. 
نوموړي له رهبري هیئت او د پوهنتون له استادانو سره په ناسته کې د هغوی کړنې، ستونزې او سپارښتنې واورېدې او استادانو ته یې وویل چې د لوړو زده کړو وزارت د ښوونیزو بنسټونو د تدریسې، اکاډمیکو او څیړنیزو چارو ودې او پراختیا لپاره پروګرامونه په پام کې لري.
د افغانستان کرنېز او ټکنالوژي علومو ملي پوهنتون رهبري هیئت او استادانو د لوړو زده کړو وزارت مقام له پاملرنې څخه، چې د ودې او پراختیا په برخه کې یې لري، مننه وکړه. همدار راز ژمنه يې وکړه چې د لوړو زده کړو وزارت له لارښوونو او سپارښتنو سره سم به خپلې تدریسي، څیړنزې او اداري چارې پر مخ وړي.
نیټه: سه شنبه
۲۴/۶/۱۴۴۴هـ.ق ۲۷/۱۰/۱۴۰۱هـ.ش ۱۷/۱/۲۰۲۳ م