د لوړو زده کړو وزارت د رهبرۍ شورا ناسته ترسره شوه
۱۴۴۳/۱۱/۳۰
۱۴۰۱/۴/۸
د لوړو زده کړو وزارت د رهبرۍ شورا ناسته ترسره شوه.
د لوړو زده کړو وزارت د رهبرۍ شورا ناسته د قران عظیم الشان په مبارکو ایاتونو، د لوړو زده کړو سرپرست وزیر الحاج مولوي عبدالباقي حقاني په مشرۍ په داسې حال کې ترسره شوه، چې د وزارت د بیلا بیلو ادارو رئیسانو په شمول د مرکزي پوهنتونونو رئیسانو هم پکې ګډون درلود.
د لوړو زده کړو سرپرست وزیر الحاج مولوي عبدالباقي حقاني د رهبرۍ شورا تېرې ناستې ګټورې وبللې او په مشوره کولو یې د تاکید ترڅنګ ګډونوالو ته لازمې سپارښتنې وکړې او د تېرې ناستې د تطبیق راپورونه یې له اړوندو مسؤلینو واورېدل.
همدارنګه د اجنډا مطابق په تحصیلي نظام کې په ترجیحاتو او اولیتونو، ماسټرۍ پروګرام کې د علمي کادرونو جذب په برخې، په یو شمېر خصوصي پوهنتونونو کې د شته ستونزو او نورو مهمو موضوعاتو بحث او خبرې وشوې او لازم تصمیمونه ونیول شول، ناسته د خیر په دعاء سره پای ته ورسېده.
