د لوړو زده کړو وزارت د علمي معینیت شورا ناسته د یاد وزارت علمي معین دوکتور لطف الله خیرخواه په مشرۍ ترسره شو
د ناستې په پیل کې د لوړو زده کړو وزارت علمي معین د یاد معینیت اړوندو رئیسانو څخه وغوښتل، چې په ترتیب سره خپل د تېر کال راپورونه په بله شورا کې وړاندې کړي او د ترسره شویو چارو او نیمګړتیاوو په اړه د شورا د غړو نظرونه واخلي، ترڅو په راتلونکي کې د یادو ریاستونو پلانونو لپاره اړینې مشورې ترسره شي.
همدارنګه په یاده ناسته کې د شورا د تېرو غونډ پريکړو ته لنډه کتنه وشوه او ورپسې د شورا غړو د اجنډا له مخې د علمي پروګرامونو د پراختيا رياست په غوښتنه د فوق لېسانس کمیسیون د غړو انفکاک او غړیتوب حق، د الکترونیکي زده کړو د کمیسیون علمي بورډ، د استادانو د پوهنوال علمي رتبې د عدم ارتقا په ستونزې، د افغانستان د کرنیزو علومو او ټکنالوژۍ ملي پوهنتون د ماموریت او لیدلوري او نورو انفرادي مسایلو په اړه بحث وکړ او لازم تصمیمونه یې ونیول.
