د لوړو زده کړو وزارت سرپرست وزیر په کندهار پوهنتون کې د مسؤلینو، استادانو او محصلینو یوې سترې غونډې ته وینا وکړه

naser_admin
شنبه ۱۴۰۴/۱۲/۲۵ - ۱۴:۳۱
Xcbhjjknbdrdv

 

د لوړو زده کړو سرپرست وزیر محترم شیخ الحدیث مولوي نداء‌ محمد ندیم، کندهار ولایت ته د خپل کاري سفر پرمهال، په کندهار پوهنتون کې د مسؤلینو، استادانو او محصلینو یوې سترې غونډې ته په داسې حال کې وینا وکړه، چې د کندهار د پوهنې رئیس، د علماوو شورا مرستیال، د ابراهیم النخعي رحمه الله جامعې رئیس او نورو علماء کرامو او مشرانو هم حضور درلود.

 

غونډې ته د وینا پرمهال د لوړو زده کړو سرپرست وزیر د اسلامي نظام اهمیت او ارزښت، انساني کرامت او مسؤلیتونه یې او د علم پر فضیلت خبرې وکړې، هغه اسلامي نظام د انساني کرامت ساتونکی یاد کړ او ویې ویل: «انساني کرامت د الله تعالی په عبادت او بندګۍ کې خوندي دی؛ خو کله چې انسان د الله تعالی نافرماني وکړي، نو په اسلام او اسلامي ټولنه کې خپل کرامت له لاسه ورکوي.»

 

 نوموړي زیاته کړه، د اسلامي نظام قانون د الله تعالی کتاب وي او انسان دنیوي او اخروي کامیابۍ ته رابولي. د لوړو زده کړو سرپرست وزیر همدارنګه وویل، چې هر مسلمان باید په خپل مسلک کې عصري علوم ترلاسه او د دیني علومو ارزښت وساتي او له استادانو او مسؤلینو یې وغوښتل چې د هېواد د بچیانو سالمې روزنې په برخه کې خپلې هڅې لا زیاتې کړي.

 

همداراز د کندهار پوهنتون رئیس او د کندهار ولایت د علماوو شورا مرستیال د دیني او عصري علومو پر اړتیا خبرې وکړې او له استادانو یې وغوښتل، چې په واک کې ورکړل شويو ځوانانو سره د ښې روزنې په برخه کې هڅې وکړي.

 

نېټه: شنبه

۱۴۴۶ هـ.ق د رمضان المبارک ۱۵ مه

۱۴۰۳ هـ.ش د کب ۲۵ مه

۲۰۲۵ م د مارچ ۱۵ مه

تازه خبرونه

شنبه ۱۴۰۴/۱۲/۲۵ - ۱۴:۳۱
Background image

د لوړو زده کړو وزارت سرپرست وزیر په کندهار پوهنتون کې د مسؤلینو، استادانو او محصلینو یوې سترې غونډې ته وینا وکړه

 

د لوړو زده کړو سرپرست وزیر محترم شیخ الحدیث مولوي نداء‌ محمد ندیم، کندهار ولایت ته د خپل کاري سفر پرمهال، په کندهار پوهنتون کې د مسؤلینو، استادانو او محصلینو یوې سترې غونډې ته په. . .

پنجشنبه ۱۴۰۳/۱۲/۲۳ - ۵:۲۸
Background image

د لوړو زده کړو او کرنې، اوبو لګولو او مالدارۍ وزارتونو ترمنځ د دوه اړخیزو همکاریو هوکړه لیک لاسلیک شو. د دې هوکړې موخه د علمي تجربو شریکول او محصلینو ته د عملي زده کړو زمینه برابرول دي.

 

د لوړو زده کړو سرپرست وزیر، محترم شیخ الحدیث مولوي نداء  محمد ندیم، د دغه هوکړه لیک د لاسلیک پر مهال  وویل: " د لوړو زده کړو وزارت به د هوکړې مطابق د کرنې وزارت سره هر اړخیزه همکاري. . .

سه‌شنبه ۱۴۰۳/۱۲/۱۴ - ۱۴:۲۳
Background image

د لوړو زده کړو وزارت رهبري شورا ناسته د دغه وزارت سرپرست وزیر محترم شیخ الحدیث مولوي نداء محمد ندیم په مشرۍ ترسره شو

 

د ناستې په پیل کې د لوړو زده کړو سرپرست وزیر د روژې مبارکې میاشتې د فضیلتونو په اړه خبرې وکړې او ویې ویل چې د روژې مبارکه میاشت د صبر، اخلاص او صدقې میاشت ده او پکار ده چې د اسلام د. . .

BACK TO NEWS