د لوړو زده کړو وزارت پلاوي تخار ولایت ته د خپل کاري سفر په ترڅ کې د تخار پوهنتون، فجرستان او راه سعادت خصوصي لوړو زده کړو مؤسسو څخه لیدنه،څارنه او ارزونه وکړه.
د دغه څارونکي او ارزونکي پلاوي مشري د لوړو زده کړو وزارت د خاصو موضوعاتو او تقلب ته د لاس رسي د څېړنې امر مولوي عبدالولي عابد کوله، چې دتخار پوهنتون په شمول یې د فجرستان خصوصي لوړو زده کړو مؤسسې او راه سعادت خصوصي لوړو زده کړو مؤسسې څخه هر اړخیزه لیدنه وکړه او د یادو تحصیلي ادارو (تحصیلي، اداري او مالي) برخې یې وڅېړلې او مسؤلینو ته یې په اړوندو برخو کې لازمې سپارښتنې وکړې.
