فاریاب پوهنتون کې د «استادانو ترفیع او آثارو د ثبت او علمي ترفیعاتو پوهاوي» په نوم دوه ورځنی ورکشاپ جوړ شو
په دغه ورکشاپ کې د فاریاب پوهنتون رییس پوهنمل فېروز اوزبېک کریمي د تدریس، څېړنې او نورو اکاډمیکو مکلفیتونو اړوند د علمي کادر غړو په وظایفو خبرې وکړې او د هغو په معیاري تطبیق یې ټینګار وکړ.
وروسته د فاریاب پوهنتون د علمي چارو مرستیال پوهنمل نور احمد قیتمس د علمي ترفیعاتو بهیر او د استادانو د ترفیع او آثارو د ثبت لارو چارو او همداراز د څېړنې، تآلیف او ژباړې ریاست له ویبپاڼې په سمه توګه ګټې اخیستنې په اړه عملي پرېزېنټېشن وړاندې کړ.
همداراز د فاریاب پوهنتون د علمي څېړنو او استادانو چارو امر پوهنمل محمدنعیم آرتاش د استادانو د ترفیع او علمي آثارو د مراحلو طی کولو بهیر په اړه خبرې وکړې او د استادانو په موقع ترفیع یې ټینګار وکړ.
یاد ورکشاپ د ګډونوال په پوښتنو او ځوابونو او د نظر پر تبادلې پای ته ورسېد.
