لوړو زده کړو وزیر د نیمروز له والي سره وکتل
نیمروز والي د لوړو زده کړو له وزیر سره د نیمروز لوړو زده کړو موسسې د وضعیت ښه والي په اړه خبرې وکړې.
د لوړو زده کړو وزیر ډاکټر عباس بصیر د تحصیلي بنسټونو د پرمختګ په برخه کې د وزارت رهبرۍ د پروګرامونو په اړه خبرې وکړې او د دغو موسساتو د علمي او مدیریتي برخو د ظرفیت لوړول يې د تحصیلي بنسټونو پرمختګ وباله.
د لوړو زده کړو وزیر له یاد وزارت سره د والیانو همغږي او همکاري د لوړو زده کړو وزارت د پروګرامونو د پرمختګ مهمه لاره وبلله او زیاته يې کړه چې د ټولو بنسټونو ترمنځ د معنالرونکو اړیکو ټینګښت ټاکل شوو موخو ته د رسیدو لنډه لاره ده.
د نیمروز والي زمریالي احدي د نیمروز لوړو زده کړو موسسې د فرصتونو او ننګونو په اړه رڼا واچوله او ويې ویل چې د لوړو زده کړو وزارت له پروګرامونو د زړه له کومې ملاتړ کوي او د نیمروز لوړو زده کړو موسسې ستونزو ته رسیدنه خپل ملي او وظیفوي مسوولیت بولي.
