په بلخ پوهنتون کې د شمال زون یو شمېر امارتي پوهنتونونو د ۴۰ کادري بستونو لپاره د بهرنۍ ژبې ازموینه واخیستل.

په بلخ پوهنتون کې د کندز، بلخ، جوزجان او فاریاب پوهنتونونو د ۲۴ څانګو ۴۰ کادري بستونو لپاره له ۲۰۹ تنو نوماندانو څخه د بهرنۍ ژبې ازموینه، د لوړو زده کړو وزارت د تقرر او علمي ترفیعاتو رئیس انجنیر مفتاح الدین عزام او د بلخ پوهنتون مشرتابه پلاوي له لوري واخیستل شوه. 
د لوړو زده کړو وزارت د تقرر او علمي ترفیاتو رئیس د ازموینې ګډونوالو ته د ازموينې د طرزالعمل په اړه معلومات ورکړل او ويې ويل چې تر پخوا د ازموينې لاره اسانه شوې او ورځ تر بلې د لوړو زده کړو وزارت په دې هڅه کې دی، چې د ازموينو په پروسه کې لا اسانتياوې رامنځ ته کړي.
د یادونې وړ ده چې د ژبې په ازموینه کې له بریالیو نوماندانو څخه به وروسته مسلکي ازموینه اخیستل کېږي. 
نېټه: دوشنبه
۱۴۴۶هـ.ق، د ربیع الال ۱۳مه
۱۴۰۳هـ.ش، د سنبلې ۲۴مه
۲۰۲۴م، د سپټمبر ۱۶مه