په فارياب پوهنتون کې د کار او اجرااتو د قانون په اړه د عامه پوهاوي ورکشاپ جوړ شو
د کار قانون، د اداري اجرااتو قانون، د ملکي خدمتونو د کار کوونکو د ذاتي چارو مقرره او قانون، د اداري چارو د ښه والي له پاره د اداري مراسلاتو لارښود او پلي کولو په اړه يې په فارياب پوهنتون کې دوه ورځنی ورکشاپ جوړ شو.
د دې ورکشاپ په پيليزه کې د فارياب پوهنتون رييس پوهنمل فيروز اوزبيک کريمي، د علمي چارو مرستیال پوهنمل نوراحمد قيتمس، د پوهنتون د محصلينو چارو مرستيال پوهنیار اميد مقيمزي، د پوهنيځيو رييسانو، د پوهنتون د استادانو د چارو او علمي څېړنو امر پوهنمل محمد نعيم ارتاش، د څانګو امرينو، يو شمېر استادانو، تدريسي مديرانو او اداري کارکوونکو ګډون کړی و.
د فارياب پوهنتون رييس وويل دغه ورکشاپ د يوې په اصولو ولاړې او ځواب ويونکې ادارې د لرلو په منظور، د اړوندو قوانينو په اړه پوهاوی او د بېلابېلو کچو مامورينو او کارکوونکو له پاره د تحصيلي او اداري ښو خدمتونو د وړاندې کولو له پاره يې د پلي کولو په منظور د فارياب پوهنتون د استادانو او کارکوونکو له پاره جوړ شو او بايد چې اعظمي استفاده ترې وشي.
د ورکشاپ په بهير کې، د ديپلوماسي او اداري څانګې علمي کادري غړي پوهنيار اميد نصيب د «کار د قانون» د جزا او خصوصي حقوقو د څانګې علمي کادري غړي پوهنيار محمد علم عديل «د ملکي خدمتونو د کارکوونکو د ذاتي چارو د مقررې او قانون» د جزا او خصوصي حقوقو د څانګې علمي کادري غړي پوهنيار محمد هارون فتاحي د «اداري اجرااتو قانون» او د حقوقو او سياسي علومو د پوهنځي رييس پوهنمل دوکتور محمد اسماعيل قيوم اوغلي د «اداري مراسلاتو د لارښود» په اړه خپل پريزينتيشنونه وړاندې کړل. په اړوندو مطرح شوو موضوعاتو د ورکشاپ د ګډون کوونکو له لوري بحث او خبرې اترې وشوې چې پوښتنو ته يې د استادانو له لوري ځوابونه ورکړل شول.
