د رازي خصوصي لوړو زده کړو  مؤسسې د علمي کادر بستونو خبرتیا !

رازي خصوصي لوړو زده کړو مؤسسه د دویم ځل لپاره په لاندې څانګه کې د ۱۴۰۳هـ.ش کال لپاره د دوکتورا، ماسټرۍ او لېسانس کچه علمي کادرونو ته اړتیا لري.

د طبي تکنالوژۍ پوهنځی؛
•     عمومي ډیپارټمنټ (۲) بسته.

داوطلبان کولای شي، چې د ۱۹/۳/۱۴۰۳هـ.ش څخه تر ۳۰/۳/۱۴۰۳هـ.ش پورې یادو علمي کادر بستونو ته د نوم لیکنې په موخه خپلې غوښتنپاڼې (علمي کادر ته د شمولیت فورمه) ډکې کړي، په ملي ژبه د نمرو اصل ټرانسکرېپټ او د وزارت له ویبپاڼې څخه د همدې اعلان کاپي چې (د لوړو زده کړو وزارت نشراتو ریاست یا د یاد پوهنتون لخوا تایید وي) او د خپلې تذکرې له کاپي سره یوځای اړونده پوهنتون ته وسپاري.