د لوړو زده کړو نوماند سرپرست وزير د مشرانو جرګې د شکايتونو د اورېدو کميسيون له لوري وستايل شو
د لوړو زده کړو سرپرست وزير نن د مشرانو جرګې د شکايتونو د اورېدو کميسيون له لوري د نوموړي د اغېزمنو پروګرامونو د وړاندې کولو له کبله وستايل شو.
د مشرانو جرګې د شکايتونو د اورېدو د کميسيون رييس زلمي زابلي دوکتور عباس بصیر ته د لوح تقدير د ورکړې تر څنګ د لوړو زده کړو په سکتور کې د ستونزو د حل له پاره د نوموړي د هڅو او ښه مديريت له کبله مننه وکړه، د هر ډول همکارۍ ژمنه يې ورکړه او د لوړو زده کړو د پروګرامونو د پلي کولو له پاره يې خپل ملاتړ څرګند کړ.
دوکتور عباس بصير د دوی د ستاينې او ښه نيت له کبله چې د نوموړي د پروګرامونو او ليدلوري د وړاندې کولو له کبله يې درلود له دوی مننه وکړه، هيله يې څرګنده کړه چې په دوه اړخيزه همکارۍ سره به پر ستونزو بريالي شي او د لوړو زده کړو سکتور به په نړيواله او سيمه ييزه کچه لوړ ځای ته رسوي.
