تفاهم نامه همکاری میان وزارت های تحصیلات عالی افغانستان و و ازبیکستان امضا گردید
تفاهمنامه همکاری های اکادمیک میان مقامات وزارت های تحصیلات عالی افغانستان و ازبیکستان امضاء شد.
این تفاهمنامه دیروز میان پوهنمل عبدالتواب بالاکرزی معین علمی وزارت تحصیلات عالی و مجیدوف انعام یوریشیویچ در شهر تاشکند به امضاء رسید.
در مراسم امضاء تفاهمنامه محمد شاکر کارگر رئیس دفتر مقام ریاست جمهوری و اوکتاموویچ عمر زاکوف معاون صدراعظم اوزبیکستان نیز حضور داشتند.
هیأت افغان در این محفل با قدردانی از همکاری های کشور اوزبیکستان خواستار رسیدگی به مشکل اسناد تحصیلی 96 محصل افغان در این کشور شد.
وزیر تحصیلات عالی اوزبیکستان با تاکید بر دوام همکاری های اکادمیک با جانب افغانستان وعده سپرد تا به مشکلات محصلان افغان در آن کشور رسیدگی نماید.
