روند تطبیق واکسین کرونا در پوهنتون تعلیم و تربیه شهید استاد ربانی آغاز شد
تطبیق واکسین کرونا برای محصلان، استادان و کارمندان بخش اداری پوهنتون تعلیم و تربیه شهید استاد ربانی از سوی تیم صحی وزارت محترم صحت عامه با حضور داشت هیأت رهبری پوهنتون، رسماً آغاز گردید.
پوهنوال لیلما شریفی یما رئیس پوهنتون تعلیم و تربیه شهید استاد ربانی ضمن نظارت از جریان تطبیق واکسین برای محصلان، استادان و کارمندان اداری پوهنتون تعلیم و تربیه شهید استاد ربانی از تیم صحی وزارت صحت عامه اظهارامتنان نمود.
رئیس پوهنتون به سرعت بخشیدن روند تطبیق واکسین تأکید نمودند و از محصلان، استادان و کارمندان پوهنتون خواستند که برای مصؤونیت جان و خانواده های محترم شان خود را واکسین کنند تا از این مرض مهلک در امان باشند.
تطبیق واکسین کرونا در پوهنتون تعلیم و تربیه شهید استاد ربانی در چهار محل جداگانه برای محصلان، استادان، و کارمندان اداری پوهنتون برای یک هفته ادامه دارد.
