معین مالی و اداری وزارت تحصیلات عالی در محفل فراغت محصلین پوهنځی شرعیات پوهنتون البیرونی شرکت نمود.
محفلی که به این مناسب در پوهنتون البیرونی دایر گردید ، مولوی حافظ محمد حامد حسیب معین مالی و اداری وزارت تحصیلات عالی، مولوی عبدالرحمان زاهد معین وزارت مبارزه باحوادث، محمد سعید معاون استخبارات ولایت کاپیسا، مسؤلین و اساتید پوهنتونالبیرونی و اولیای محصلین شرکت نموده بودند.
مولوی حافظ محمد حامد حسیب معین مالی و اداری وزارت تحصیلات عالی فراغت محصلین را تبریک گفته به جایگاه ومنزلت علم و دانش از منظر دین مبین اسلام معلومات ارایه نمود. وی همچنان ابراز داشت که جوانان عزیز ما باید بر علاوه فراگیری علوم عصری بر فراگیری علوم دینی نیز تلاش نمایند ، تاباشد از آن طریق در مقابل دسایس غرب و افکار آنان ایستادگی نمایند.
در اخیر رهبری پوهنتون البیرونی از تشریف آوری معین علمی وزارت تحصیلات عالی وسایر اشتراک کننده گان ابراز قدردانی نموده بر تلاش بیشتر جهت رشد و تقویت تحصیلات عالی در آن پوهنتون اطمنان دادند.
مورخ: پنجشنبه
۱۴۴۴/۵/۱۴هـ.ق ۱۴۰۱/۹/۱۷هـ.ش ۲۰۲۲/۱۲/۸م
دفتر مطبوعاتی وزارت تحصیلات عالی
