د کنفرانس په دویمه ورځ د کورنیو او بهرنیو متخصصینو لخوا ۶۲ څېړنیزې مقالې وړاندې شوې
د کابل پوهنتون «د افغانستان د ځانبسیاینې د زرغون انقلاب لومړی نړیوال کنفرانس » په دویمه ورځ د کورنیو او بهرنیو استادانو او متخصصینو لخوا ۶۲ څیړنیزې مقالې وړاندې شوې.
د دغه کنفرانس په دویمه ورځ، چې د افغانستان د کرنیزو علومو او ټکنالوژۍ ملي پوهنتون (اناسټو) کې جوړ شوی دی، د هېواد کرنې سکټور د ودې، معیاري کولو او عصري کولو لپاره، د تخمونو اصلاح او تولید، د ځمکو معیاري خړوبول، کرنیز اقتصاد، د نباتي ناروغیو په نښه کول او له منځه وړل او کرنیزو محصولاتو لپاره د مارکېټ پیدا کولو اړوند موضوعاتو څېړنیزې مقالې وړاندې شوې.
د یادونې وړ ده چې په دغه کنفرانس کې د داخلي متخصصینو سربېره، د کاناډا، نایجریا، ټایلنډ، هند، پاکستان، قطر، بنګله دېش، ترکیې او ایران هېوادونو متخصصین، پالیسي جوړونکي او صنعت کاران هم راغلي او د خپلو هېوادونو تجربې د افغانستان له استادانو سره شریکوي.
نېټه: سه شنبه
۱۴۴۶هـ.ق، د جمادي الاول ۲۴مه
۱۴۰۳هـ.ش، د قوس ۶مه
۲۰۲۴م، نومبر ۲۶مه
