د هندوستان هېواد د Stephens College د لېسانس په کچه د تحصیلي بورس خبرتیا

Due
-
په کابل کې د هندوستان هېواد سفارت د خپل رسمي یادښت له لارې د ۲۰۲۱ کال د جون میاشتې په ۲۹مه د نوي ډهلي پوهنتون په Stephens College کالج کې د لېسانس په کچه د افغان وګړو لپاره د ۲۰۲۱-۲۰۲۲ کال لپاره د یوه تحصیلي بورس د ورکړې خبر ورکړی دي.
د بورس شرطونه
• د دغه بورس بشپړ شرطونه او جزئیات د (https://www.ststephens.edu ) وېبپاڼې څخه تر لاسه کولای شئ.
• غوښتونکی په لوړو زده کړو وزارت کې د نوملیکنې او د سندونو د بشپړولو سربېره باید خپل غوښتنلیک په کابل کې د هند سفارت ته هم ولېږي.
• د غوښتونکي لخوا اړوند پوهنتون ته د یو اندازه پیسو ورکول لکه څنګه چې د نوي ډهلي پوهنتون کالج په ويبپاڼه کې یاده شوې ده.
• د استوګنځي او خوړو ځای چې د غوښتونکي د غوښتنلیک پر بڼسټ منل کېږي، جلا لګښتونه لري.
د بورس د اړتیا وړ سندونه
• د شهادتپاڼې درلودل چې د ښوونځي د درېیو کلنو د نومرو سلنه لږ تر لږه د ۷۰٪ سلنې څخه کمه نه وي.
• د تابعیت پېژندپاڼې درلودل
• د پاسپورټ درلودل
• د غوښتونکي ټول سندونه په انګرېزي ژبه ژباړل شوي وي.
نو ټولو په شرایطو برابر مینوالو ته خبر ورکول کېږي چې که چېرې دوی د یاد هېواد بورسونو کې د نوملیکنې غوښتونکي وي کولای شي د نوملیکنې او د اړوندو فورمونو د ترلاسه کولو لپاره د لوړو زده کړو وزارت د منښت عمومي دفتر (۲۱) شمېرې غرفې ته د پورته یادو شویو سندونو د اصل سره ورشي او خپل سندونه د ۲۰۲۱ کال د جولای د ۲۵مې نېټې څخه مخکې چې د ۱۴۰۰ کال د زمري میاشتې د ۳یمې نېټې سره سمون لري، بېرته وسپاري.
د یادونې وړ ده چې که چېرې د غوښتونکو شمېر د یادو شویو بورسونو له شمېر څخه ډېر وي نو یو وړ نوماند به د ښوونځي د درې کلنو لوړې نومرې د سلنې په پام کې نیولو سره وټاکل شي.