د اطلاعاتو او کلتور وزارت مالي او اداري مرستیالې د لوړو زده کړو وزیر سره ولیدل
د اطلاعاتو او کلتور وزارت مالي او اداري مرستیالې مژګان مصطفوي او د یاد وزارت یوشمېر رییسانو د لوړو زده کړو وزیر ډاکټر عباس بصیر سره لیده کاته وکړل.
د اطلاعاتو او کلتور وزارت مالي او اداري مرستیالې په دغه لیدنه کې د لوړو زده کړو وزیر ته د مبارکۍ تر څنګ، په یاده برخه کې د نوموړي ټاکل کېدل یو پرځای اقدام وباله او تحصیلي برخه کې د بدلون راوستلو هیله مندي وښوده.
د لوړو زده کړو وزیر ډاکټر عباص بصیر د اطلاعاتو او کلتور وزارت مالي مرستیالې او ورسره راغلي پلاوي د هرکلي ترڅنګ خپلې برنامې هغوی ته وړاندې کړې او ویې ويل؛ چې د لوړو زده کړو وزارت د مشرتابه موخه د کارېدونکو او له نړیوالو معیارونو سره سمو زده کړو وړاندې کول دي.
د لوړو زده کړو وزیر هیله مندي څرګنده کړه؛ څو د خپلو برنامو په پلي کولو سره د تحصیلي برخې په کیفیت کې د خلکو تمې پای ته ورسوي.
