د افغانستان د ملي قابلیتونو د تثبیت ناسته ترسره شوه
د افغانستان د ملي قابلیتونو د تثبیت بورډ (ANQF) غونډه د لوړو زده کړو وزارت د محصلينو چارو د معین سید فرهاد شهید زاده پر مشرۍ جوړه شوه.
په دې غونډه کې د محصلينو چارو معین د افغانستان د ملي قابلیتونو (Afghanistan National Qualification Framework) د تثبیت سند د چوکاټ د جوړولو په اړه د کمېټې د راپور له اورېدلو وروسته، لارښوونه وکړه، څو ژر تر ژره د لا زیاتې بډاینې او نظر غوښتنې له پاره، یاد سند له تحصیلي بنسټونو او اړوندو ادارو سره شریک کړي.
د یادونې وړ ده چې د افغانستان د ملي قابلیتونو د تثبیت چوکاټ د افغانستان د اسلامي جمهوريت د مقام پر بنسټ، د کاري لومړیتوبونو او د هېواد لوړو زده کړو ته په پام په ۸ کچو کې جوړ شوی چې رسمي، غیر رسمي، تخنیکي او مسلکي زده کړې پکې شاملېږي.
