د افغانستان د کرنیزو علومو په ملي پوهنتون کې درې پروژې پرانیستل شوې

baqir_admin
شنبه ۱۳۹۹/۱۰/۲۷ - ۶:۱۴
ل

د لوړو زده کړو وزارت علمي مرستيال کندهار ولايت ته په خپل درې ورځني کاري سفر کې، د افغانستان د تکنالوژۍ او کرنیزو علومو په ملي پوهنتون کې درې پروژې پرانيستې.

په دې پروژو کې د کيفيت د تضمين مرکز، د لمريزې برېښنا د انرژۍ د توليد سېستم (سولر)، د علمي څېړنو مرکز او همداراز يې د دې پوهنتون کتابتون د دې پوهنتون د پخواني رييس ډاکټر حضرت ميرتوتاخېل په نوم ونوماوه.

پوهنمل عبدالتواب بالاکرزي د يادو پروژو د پيل پر مهال د پروژو د استفادې او ارزښت په اړه خبرې وکړې چې دغه پروژې د افغانستان د تکنالوژي او کرنيزو علومو د ملي پوهنتون له مهمو پروژو څخه دي چې له نېکه مرغه نن يې د پرانيستې شاهدان يو. نوموړي همداراز د پوهنتون له علمي شورا څخه له دې کبله چې د پوهنتون کتابتون يې د دې پوهنتون د پخواني رييس ارواښاد ډاکټر حضرت مير توتاخېل په نوم ونوماوه مننه وکړه.

پوهنمل بالاکرزي د افغانستان د تکنالوژي د کرنيزو علومو ملي پوهنتون د هېواد له مهمو پوهنتونونو څخه وباله چې د ځوانو کادرونو له پاره د کرنيزو علومو په څانګو کې فعاليت کوي.

نوموړي زياته کړه چې دغه پوهنتون په پخوا وخت کې د فوق ليسانس پروګرامونه مخکې وړل چې اوس مهال د کندهار پوهنتون د کرنې پوهنځي په لېږد سره د وترنري او کرنيزو علومو د څانګو د ليسانس پروګرامونه يې هم په درسي کوريکولم کې شامل شوي او دغه پوهنتون د ۵ زره جرېبه ځمکې په لرلو سره کولای شي د پوهنتون او محصلينو له پاره د علمي، څېړنيزو او د عوايدو د توليد په برخه کې اغېزمن ثابت شوی دی.

د افغانستان د تکنالوژي او کرنيزو علومو د ملي پوهنتون د علمي مرستيال په وينا، د لمريزې انرژۍ د توليد سېستم چې د ۳۰ کيلو واټه برېښنا وړتیا لري لګښت يې د لوړو زده کړو وزارت له بوديجې څخه دی، د کيفيت د تضمين د مرکز د تجهيزاتو اخيستل د نړيوال بانک د HEDP د دفتر او د علمي څېړنو د مرکز په مالي ملاتړ او د دې پوهنتون د کاري ډلې په هڅو سره تجهيز شوي دي چې نن ورځ يې د ګټې اخيستنې شاهدان يو.

همداراز د لوړو زده کړو علمي معين پوهنمل عبدالتواب بالاکرزي او ورسره ډلې يې د افغانستان د تکنالوژي او کرنيزو علومو د ملي پوهنتون د شورا په غونډه کې ګډون وکړ او د دوی غوښتنې او ستونزې يې واورېدې.

پوهنمل بالاکرزي د غونډې د غړو د نظرونو او غوښتنو له اورېدو وروسته چې د پوهنتون د مضامينو د تدريس مرکز، د کادري بستونو ډېرول، د لارې د لرې والي ستونزې، د تدريسي، اداري، ليليه او لابراتوارونو د ودانيو او نوو څانګو جوړول، د مالي خپلواکۍ موضوع، د وترنري څانګې د درسي نصاب بياکتنه، د استادانو له پاره د تحصيلي دوکتورا بورسونه او نورې غوښتنې ځواب کړې او څرګنده يې کړه چې د لوړو زده کړو وزارت به يې د امکاناتو په لرلو سره په اړه اقدام کوي.

نوموړي زياته کړه: «د پوهنتونونو جوړول او د اړتیاوو رفع کول يې يو لړ پرلپسې کارونو ته اړتیا لري چې موږ يې په هڅه کې يو او هيله من يو چې د افغانستان د تکنالوژي او کرنيزو علومو ملي پوهنتون د ځوانو او هڅاندو کادرونو لرونکی دی او د دې علمي بنسټونو د پراختيا او ودې له پاره زموږ هيلې ډېروي».

د يادولو وړ ده چې د افغانستان د تکنالوژۍ او کرنيزو علومو ملي پوهنتون د هېواد د هغو تحصيلي ارګانونو له ډلې څخه دی چې د هندوستان په ملاتړ سره په کندهار ولايت کې جوړ شوی دی او د ځوانو کادرونو د روزنې له پاره د کرنې او وترنرۍ پوهنځيو په اډانه کې د ليسانس، ماسټرۍ او دوکتورا په برخه کې فعاليت کوي.

Latest announcements

شنبه ۱۴۰۳/۱/۴ - ۸:۱۳
Background image

د لوړو زده کړو وزارت مرکزي ادارو اړوند اداري بستونو د تحریري ازموینې د پایلو اعلان جدول له لاندې لینک څخه ترلاسه کولای شئ.

 

 

لینک
نوټ: هغه کسان چې په تحریري ازموینه کې بریالي شوي د دغه وزارت بشري سرچینو ریاست له لوري به د مصاحبې (انټرویو) لپاره راوغوښتل شي.

چهارشنبه ۱۴۰۳/۱/۱ - ۵:۲۷
Background image

د عالمیې مرحلې د متفرقه ازموینې په اړه د لوړو زده کړو وزارت خبرتیا!


د لوړو زده کړو وزارت د دیني جامعاتو او تخصصاتو لوی ریاست په پلان کې لري، چې د ټولو هغو علماء کرامو څخه چې د عالمیې مرحلې د اسنادو د ارزونې او معادلت په موخه د شعبان المعظم میاشتې د . . .

سه‌شنبه ۱۴۰۳/۱۲/۲۹ - ۷:۲۰
Background image

د قرارداد ورکولو تصمیم نیونې خبرتیا ! 


په دې توګه د تدارکاتو قانون د (۴۳) مادې د (۲) فقرې له مخې ټولو ته خبر ورکول کیږي، چې د لوړو زده کړو وزارت په پام کې لري، چې د څېړني، تاليف او ژباړې ریاست کمپيوټرونو او برښنا ذخیرې تهیه . . .

Back to announcements

تازه خبرونه

پنجشنبه ۱۴۰۳/۱/۹ - ۱۰:۳۵
Background image

د لوړو زده کړو وزارت علمي معین په خپل کاري دفتر کې، په افغانستان کې د یوناما له مرستیال او د یونسکو له سرپرستې سره وکتل. 


د لوړو زده کړو وزارت علمي معین دوکتور لطف الله خیرخواه یادو استازو ته د ښه راغلاست تر څنګ، د لوړو زده کړو وزارت روانو چارو په اړه معلومات ورکړل او ویې ویل چې موږ له خپلې بودیجې څخه. . .

پنجشنبه ۱۴۰۳/۱/۹ - ۴:۴۸
Background image

د امارتي تحصیلي بنسټونو د څېړنو او علمي مرستیالانو لپاره د څېړنو او نوښتونو تر عنوان لاندې درې ورځنی ورکشاپ پای ته ورسید.


یاد ورکشاپ، چې د لوړو زده کړو وزارت د تحقیق، تألیف او ژباړې ریاست په نوښت جوړ شوی و؛ په تحصیلي بنسټونو کې د لابراتوارونو او کتابتونو د تجهیز څرنګوالي، کاري پلانونو، د یادو مرستیالانو. . .

سه‌شنبه ۱۴۰۳/۱/۷ - ۴:۵۸
Background image

د امارتي تحصیلي بنسټونو د څېړنو او علمي مرستیالانو لپاره د کاري فعالیتونو د ښه والي او همغږۍ په موخه دری ورځنی ورکشاپ دایر شو. 


په یاد ورکشاپ کې، چې د لوړو زده کړو وزارت د تحقیق، تألیف او ژباړې ریاست په نوښت جوړ شوی، د یادو مرستیالانو تر منځ د دندو لایحو پر تفکیک، په تحصیلي بنسټونو کې د لابراتوارونو او کتابتونو. . .

BACK TO NEWS